Oksford Universitetinin alimləri müəyyən ediblər ki, kreatin adlı idman əlavəsi depressiya əlamətlərini aradan qaldırmağa kömək edir. 

HİT.az xəbər verir ki, araşdırmanın nəticələri “European Neuropsychopharmacology” jurnalında dərc olunub.

Tədqiqat orta və şiddətli depressiyadan əziyyət çəkən 100 yetkin könüllü iştirak edib. Birinci mərhələdə alimlər subyektlərin psixi vəziyyətini təhlil etmək üçün bir sıra testlər keçiriblər. Hər bir könüllüdən depressiya əlamətlərini müstəqil olaraq 27 ballıq şkala ilə qiymətləndirmələri istənib. İştirakçılar daha sonra gündə beş qram kreatin və ya oxşar görünüşlü və oxşar dadlı plasebo qəbul etmək üçün iki qrupa bölünüblər.

Kreatin əlavələri fiziki və ya atletik performansı yaxşılaşdırmaq və əzələ yorğunluğunu aradan qaldırmaq üçün qəbul edilir. Bu birləşmə süddə, qırmızı ətdə və dəniz məhsullarında bol olan azot tərkibli karboksilik turşudur.

Təcrübənin başlamasından səkkiz həftə sonra iştirakçılardakı depressiyanın şiddəti yenidən qiymətləndirilib. Nəticələr göstərib ki, koqnitiv-davranışçı terapiya ilə birləşdirildikdə, kreatin əlavəsi pozğunluğun simptomlarının şiddətini 5,8 bal (yüngül depressiya) azaldır. Plasebo qrupunda, iştirakçıların psixoloji vəziyyəti də yaxşılaşıb, lakin əksəriyyəti orta dərəcədə depressiya yaşayıb.

Elm adamları kreatinin terapevtik təsirinə nəyin səbəb olduğunu hələ müəyyən edə bilmirlər. Onlar birləşmənin beynin emosiyaların tənzimlənməsinə cavabdeh olan hissələrinin fəaliyyətini yaxşılaşdırdığını təklif edirlər. Tədqiqatçılar izah ediblər ki, kreatin adenozin trifosfat (ATP) turşusunun ehtiyatlarını doldurur və bu, beyin də daxil olmaqla, bədənin bütün hüceyrələrini enerji ilə təmin edir.

Samir