Tatu etdirmək həm kişilər, həm də qadınlar arasında geniş vüsət alıb.

Ancaq həkimlər, mütəxəssislər israrla bildirir ki, tatu sağlamlıq üçün zərərlidir?

Həkim Pərvanə Mustafayeva Hit.az-a deyib ki, tatu etdirərkən müxtəlif xəstəliklərə yoluxma riski böyükdür: 

"İstər manikür-pedikür, istər tatu zamanı, digər kosmetoloji prosedurlar zamanı təəssüflər olsun ki, müxtəlif virusların keçmə ehtimalı var.İ İnsanlar diqqətli olmalıdırlar və bu prosesə ciddi nəzarət olmalıdır. İstifadə olunan  boyalar ayrıca qaba qoyulmalıdır və hər bir müştəridən sonra qalıq boya atılmalıdır, qabı sterilizasiya olunmalıdır. Həmin boyanın təkrar istifadəsi qəti olmaz. Son zamanlar estetik əməliyyatların geniş vüsət almasından sonra daha da artıb. Hətta indi dünyada genital bölgənin tatu etdirilməsi nümunələri də var. Bu isə gələcəkdə nəinki dəri xərçənginə, genital bölgə, eyni zamanda servikal boyun xərçənginə qədər gətirib çıxara bilər. Təbii ki, bunların hamısı təhlükəlidir. Tatu müəyyən gözəllik yaratsa da, sağlamlıq üçün zərərlidir. Tatunun silinməsi də zərərli və ağrılı bir prosesdir: 

“Dərinin derma qatının üst qatı yandırılır. Onu lazerlə xüsusi üsulla yandırır və tatunu silirlər. Ancaq burada da sonradan çapıq əmələ gəlir.  Tatunu tam izsiz şəkildə silmək mümkün deyil. Daimi tatu etdirən adam bunu nəzərə almalıdır ki, sonradan onu izsiz bir şəkildə silmək mümkün deyil. Bu çox ağrılı bir prosedurdur".

Sevinc