Son zamanlar arıqlamaq üçün istifadə edilən məşhur təamlardan biri də çia toxumudur. 

Maraqlıdır, çia toxumu nədir, bunun nə kimi ziyanı, təsiri varmı? 

Dietoloq Leyla Sarıyeva Hit.az-a deyib ki, çia toxumları sağlam qidalardan biri olduğu üçün son illərdə ən çox tələbat yaranan bitkiyə çevrilibdir: 

“Çia toxumları Çia bitkisindən alınan kiçik qara toxumlardır. Bu bitki Meksikanın mərkəzində və cənubunda bitir. Çia toxumunun faydaları bunlardır. Toxluq hissi yaradı,dərini qoruyur, yaşlanmanı ləngidir, sümükləri möhkəmləndirir, xərçəng əleyhinə effektlidir. Çia toxumlarının tərkibində yüksək miqdarda sink olduğuna görə, orqanizmin viruslara qarşı müqavimətini artırır. Formada olmaq və aclığa qarşı dözümlüyü artırmaq üçün bu toxumlardan qida mənbəyi kimi istifadə etmək çox məsləhətlidir. Çia toxumlarında olan kofeik turşusu adlı antioksidan bədəndəki iltihabla mübarizə aparmağa kömək edə bilər. Müntəzəm olaraq istehlak edildikdə iltihablı xəstəliyin əlamətlərini azalda bilər. Ancaq hamilə qadınlara çia toxumu yemək tövsiyə edilmir. Çia toxumları yüksək təzyiq dərmanlarının və diabet dərmanlarının yan təsirlərini artıra bilər. Allergik qidadır və allergiyası olanlar ehtiyatla istehlak etməlidirlər”.

Sevinc