Yeni doğulan uşaqlara ana südünün verilməsi daha məqbul hesab edilir. 

Çünki,  ana südünün keyfiyyəti hazır qidalarla müqayisədə qat-qat yüksəkdir.

Təəssüf ki, bəzi analar övladına ana südü deyil, smes yəni süni qida verməyi üstün tutur.

Pediatr Mətanət Əliyeva Hit.az-a deyib ki, ana südü tək qida deyil:

“Ana südünün qoruyucu funksiyası da var. O, uşağın orqanizmini zərərli mikrob və infeksiyalardan qoruyur, onun immun sisteminin inkişafına kömək edir.Ana südü müxtəlif immun faktorlarla zəngindir. Ana südü ilə qidalandırılan körpə müxtəlif xəstəliklərə qarşı etibarlı müdafiə alır. Çoxdan sübut olunmuşdur ki, ana südü ilə qidalandırılan uşaqlar süni qida alan uşaqlarla müqayisədə daha gec-gec bağırsaq pozulmaları, respirator xəstəliklər, allergiyalarla üzləşir. Vaxtdan tez doğulmuş, azçəkili, zəif körpələr üçün təbii qidalanma  olduqca vacibdir. Bəzi analar övladına ana südü vermir Bunun müxtəlif səbəbi ola bilər . valideyn dərman qəbul edirsə, xəstədirsə o uşağa süd verə bilməz. Yox əgər heç problem yoxdursa, övladını ən gözəl nemətdən məhrum etməməlidir. Bunu edənlərə söz deyə bilmirəm”.

Sevinc