Corciya Universitetinin amerikalı alimləri piylənmə ilə narahat davranış arasında gözlənilməz əlaqə tapıblar. Siçanlar üzərində aparılan təcrübələr göstərib ki, yüksək yağlı pəhriz nəinki çəkini artırır, həm də bağırsaq bakteriyalarının tərkibi ilə yanaşı beyin fəaliyyətini də dəyişir. 

HİT.az xəbər verir ki, tədqiqatın nəticələri Amerika Qidalanma Cəmiyyətinin (ASN) Orlandoda keçirilən konfransında təqdim olunub.

Təcrübələr zamanı yüksək yağlı qida ilə qidalanan gəmiricilər nəzarət qrupu ilə müqayisədə daha bariz narahat davranış nümayiş etdiriblər.

Alimlər hipotalamusda, maddələr mübadiləsini tənzimləmək üçün cavabdeh olan beynin bölgəsində dəyişiklikləri, həmçinin bağırsaq mikrobiomunda əhəmiyyətli fərqləri qeyd ediblər.

Layihə rəhbəri Dr. Desir Vonders deyib: "Bu nəticələr piylənmə və psixi sağlamlıq arasındakı əlaqəyə dair yeni anlayışlar təqdim edir".

Tədqiqat heyvanlar üzərində aparılsa da, onun müəllifləri insanlarda, xüsusən də uşaqlarda və yeniyetmələrdə oxşar prosesləri başa düşmək üçün əldə edilən məlumatların vacibliyini vurğulayırlar. Alimlər çəkinin normallaşması ilə müəyyən edilmiş dəyişikliklərin geri qaytarılması imkanlarını öyrənərək işi davam etdirməyi planlaşdırırlar.

Samir