Spirtli içki bədənə xeyir vermir – və asılılıq yarada bilər.

Bu xəbərdarlığı dəfələrlə eşitmişik, amma qeyd etməyə dəyər bir səbəb və ya dostlarla görüş olduğu zaman bunu tez-tez unuduruq – çünki bir çox insanlar üçün belə məqamlar pivə, şərab və ya sərt içkilərlə müşayiət olunur.

Ara-sıra yaşanan sərxoşluq və ya sərt bir baş ağrısı, alkoqol istifadənizi yenidən düşünməyə və bəlkə də azaltmağa səbəb ola bilər.

Az içmək üçün fərqli içmək olar. 

Hit.Az "scmp"a istinadən xəbər verir ki, Almaniyanın Səhiyyə Nazirliyi bu mövzuda dörd üsul təklif edir:

Azla başla

Restoranda və ya barda həmişə içkinin ən kiçik ölçüsünü sifariş edin – məsələn, 0.5 litr yerinə 0.33 litr pivə, və ya tam bokal yerinə yarım bokal.

Əgər içkini özünüz süzürsünüzsə, kiçik stəkan seçin və ya stəkanı tam doldurmayın.

Zamanı düzgün böl

İçkini yavaş-yavaş için, kiçik qurtumlarla için və stəkanı əlinizdə tutmaq əvəzinə masaya qoyun.

Qrupda içkisini yavaş içən biri varsa, onu nümunə kimi götürə bilərsiniz.

Zehninizdə növbəti içkini sifariş etməyə qədər konkret bir vaxt təyin edin və ondan əvvəl içməyin.

Su və alkoqolsuz içkilər için

Spirtli içki qəbul etdiyiniz bir axşamda hər pivə və ya şərabdan sonra bir stəkan su və ya meyvə şirəsi içmək, qanınızdakı alkoqol miqdarını azaldar. Alkoqol sidikqovucu təsirə malik olduğundan bu, bədəninizi yenidən maye ilə təmin etməyə kömək edər.

Eləcə də, səhiyyə ekspertləri dostlarla barda olanda belə, spirtli içkidən əvvəl alkoqolsuz içki içməyi tövsiyə edir.

Sadəcə “yox” deyin

Kimsə sizə daha bir içki təklif etdikdə, nəzakətsiz görünməkdən və ya xoşagəlməz bir dialoqu başlatmaqdan qorxaraq rədd etməyə çəkinə bilərsiniz. Amma mütəxəssislər deyirlər ki, içkidən imtina etmək tamamilə normal və doğrudur.

Yalnız “Yox, təşəkkürlər” demək kifayətdir. Amma bəzən səbəb göstərmək bunu daha rahat qəbul etdirə bilər. 

Məsələn: “Son vaxtlar çox içmişəm və özümə yaxşı təsir etməyib, ona görə azaltmağa qərar verdim”.

Əgər içki təklif edən insan artıq sərxoşdursa və sizi dinləmək istəmirsə, “İndi yox, sonra” və ya “Bir azdan” demək olar. Həmçinin, vəziyyətdən uzaqlaşmaq üçün tualet bəhanəsi ilə çıxmaq mümkündür.

Növbəti addım nə ola bilər?

Əgər içkini azaltmaq niyyətiniz dəfələrlə uğursuz olursa – məsələn, 2-3 ay ərzində bu məqsədə çatmırsınızsa – bu zaman ailə həkiminizdən və ya bir asılılıq məsləhət mərkəzindən peşəkar yardım almağınız tövsiyə olunur.

Nuri