Son araşdırmalar göstərir ki, qəhvə düzgün şəkildə istehlak edildikdə sağlamlıq üçün faydalı ola bilər. Lakin həddindən artıq şəkər və ya süd əlavə etmək bu faydaları aradan qaldıra bilər.

HİT.az xəbər verir ki, qəhvənin sağlamlıq təsiri illərdir müzakirə mövzusudur. Müxtəlif tədqiqatlar onun müsbət təsirlərini qeyd etsə də, bu faydaların həqiqiliyi və ideal istehlak qaydası barədə fikir ayrılıqları davam edir.

Ümumiyyətlə, mütəxəssislər qəhvənin müəyyən sağlamlıq faydaları olduğu barədə konsensusa gəlsələr də, bu faydalar onun necə və nə qədər içilməsindən asılıdır.

Bir çox insan üçün səhərə bir fincan qəhvə ilə başlamaq adətdir. Lakin yeni tədqiqatlar göstərir ki, qəhvənizi necə içdiyiniz düşündüyünüzdən daha əhəmiyyətlidir. Düzgün istehlak edildikdə qəhvənin ömür müddətini uzada biləcəyinə dair dəlillər var.

Yeni tədqiqat: Qəhvə istehlakının ölüm riskinə təsiri

46.000-dən çox yetişkinin 20 il müddətində qidalanma vərdişlərini izləyən araştırma müəyyən edib ki:

* Şəkərsiz və ya az şəkərli (fincanda 2.5 qramdan az, təxminən çay qaşığının yarısı qədər) qəhvə içənlərdə ölüm riski heç içməyənlərə nisbətən 14% aşağı olur.
* Gündə 1 fincan içənlərdə ümumi ölüm riski 16% azalır, 2-3 fincanda bu rəqəm 17%-ə çıxır.
* Lakin artıq şəkər və ya süd kimi yağlı əlavələr bu faydaları demək olar ki, yox edir.

Nəticələr qəti deyil

Araşdırma qəhvənin müsbət təsirlərinə işarə etsə də, qəti nəticə çıxarmaq üçün kifayət deyil. Çünki:

* İştirakçıların idman və balanslı qidalanma kimi digər sağlamlıq vərdişləri nəzərə alınmayıb.
* Daha çox qəhvə içmək (3+ fincan) faydanı artırmır.
* Bu sahədə əlavə tədqiqatlar tələb olunur.

Samir