Qarın yağları - 40 yaşdan sonra əksər insanların üzləşdiyi problemdir. Yetərsiz yuxu, hormonal dəyişikliklər və insulin rezistentliyi də daxil olmaqla bir neçə səbəbdən qarında yağ toplanır.

HİT.az xəbər verir ki, fizioterapevt Bruk Bussard 40 yaşdan sonra qarın yağlarından daha tez xilas olmaq üçün hər yerdə edilə bilən 3 məşqi göstərib:

"Bu tip yağ ürək-damar xəstəlikləri, 2 tip şəkərli diabet və digər xroniki xəstəliklər riskini artırır. Həyat keyfimizə mənfi təsir edən bu xəstəliklərin qarşısını almaq üçün qarın yağlarını azaltmaq vacibdir".

Tez ayaqlar: Dik durun, ayaqlarınızı omuzlardan bir qədər geni açın və dizləri azca əyin. Sonra hər ayağı növbə ilə yerindən qoparmış kimi sürətlə qaldırın. 15-20 saniyə tez addımlar edin, sonra 2 saniyə istirahət edin. 2-6 dəfə təkrar edin.

Çömələ-çömələ tullanma: Dik durun, ayaqlar omuz genişliyində. Omuz və dizləri əyərək çöməlin. Partlayış təkrarı ilə yuxarı tullanın. Yumşaq şəkildə enin və dərhal növbəti təkrara çöməlin. 15-20 saniyə çömələ-çömələ tullanın. 2 saniyə istirahət edin. 2-6 dəfə təkrar edin.

Alpinist məşqi: Düz bədənlə, əlləri çiyin altında yerləşdirərək yüksək plank pozasından başlayın. Bir dizinizi növbə ilə sinəyə çəkin. Ayaqları çox sürətlə dəyişdirin. 15-20 saniyə məşq edin, sonra 2 saniyə nəfəs alın. 2-6 dəfə təkrar edin.

Samir