Beynəlxalq alimlər qrupu şingle (herpes zoster) əleyhinə peyvəndin insult və miokard infarktı da daxil olmaqla, ürək-damar hadisələri riskinin statistik əhəmiyyətli azalması ilə əlaqəli olduğunu müəyyən edib. 

HİT.az xəbər verir ki, bu barədə Avropa Kardiologiya Cəmiyyəti (ESC) məlumat yayıb.

Tədqiqatın müəllifləri səkkiz müşahidə tədqiqatı və bir klinik sınaq daxil olmaqla 19 tədqiqatın məlumatlarını araşdırıblar. Təhlillər göstərib ki, 18 yaşdan yuxarı böyüklərdə herpes zoster peyvəndi ürək-damar ağırlaşmalarının riskini 18%, 50 yaşdan yuxarı böyüklərdə isə 16% azaldır. Mütləq mənada bu, hər min adam-il müşahidəyə 1,2-2,2 infarkt və ya insult hallarının daha az olmasına uyğundur.

GSK-ın Vaksinlər üzrə Qlobal Tibb Direktoru Dr.Çarles Uilyams deyib: "Biz şinglə qarşı peyvəndin ürək-damar hadisələri riskinin aşağı olması ilə bağlı sübut tapdıq. Bununla belə, bunun peyvəndin birbaşa təsiri olub-olmadığını təsdiqləmək üçün daha çox araşdırmaya ehtiyac var".

Samir