Belə bir atalar sözü var: “Səhər yeməyini bərkit, günortanı ləngit, axşamı tərgit”.

Səhər yeməyi metobalizmi (maddələr mübadiləsi) oyadır və gün ərzində onun fəaliyyətini tənzimləyir. Maddələr mübadiləsinin gedişatı düzgün şəkildə olduqda insan artıq çəki problemi ilə üzləşmir.

Dietoloq Leyla Sarıyeva Hit.az-a deyib ki, , tərkibində çoxlu vitaminlər, minerallar, antioksidantlar və orqanizm üçün faydalı pəhriz lifi olan adi yulaf əzməsi ürəyin cavanlaşmasına kömək edir: 

"Yulaf əzməsi beta-qlükan ehtiva edir və bu, qan damarlarının vəziyyətini əhəmiyyətli dərəcədə yaxşılaşdırır. Yulafın tərkibində kollagen sintezində iştirak edən eləcə də toxuma sağlamlığını, dəri və saç vəziyyətini yaxşılaşdıran C vitamini də var. Səhər yeməyində müntəzəm olaraq yulaf əzməsi yeyirsinizsə, bu, qan təzyiqinizi normal saxlamağa və arıqlamağa kömək edəcək. Səhər yeməyi üçün yulaf aclığı idarə etməyə kömək edir və mükəmməl şəkildə doyurur. Eyni zamanda, 100 qram taxıl yalnız 68 kalori ehtiva edir".

Sevinc