Alma insanların ən çox sevdiyi meyvələrdəndir və onların sağlamlığa təsirini qiymətləndirməmək çətindir. Bu meyvə müxtəlif qida maddələri ilə zəngindir, lakin tərkibindəki lif xüsusilə önəmlidir. ABŞ Kənd Təsərrüfatı Departamentinin (USDA) məlumatına görə, bir orta ölçülü alma 4-5 qram lif ehtiva edir. Beləliklə, hər gün bir alma yeməklə, gündəlik 25-38 qramlıq lif normasına yaxınlaşmaq mümkündür.

HİT.az xəbər verir ki, bunu "Eatingwell" yazıb.

Diyetoloqlar bildirirlər ki, maksimum fayda əldə etmək üçün almanı günün müəyyən vaxtında yemək məqsədəuyğundur.

"Alma yeməyin ən doğru vaxtı olmasa da, araşdırmalar göstərir ki, səhər saatları lifdən maksimum fayda əldə etmək üçün ideal vaxtdır", deyə diyetoloq Eyveri Zenker bildirir.

Səhər alma yeməyin faydaları

1. Həzm sisteminin normal fəaliyyətini dəstəkləyir - Səhər liflə zəngin bir alma yemək bağırsaqların aktivliyini artırır və orqanizmin təbii işləmə prosesini gücləndirir. Almada olan pektin bağırsaqda faydalı bakteriyaları qidalandırır, bu da uzunmüddətli perspektivdə qəbizliyin qarşısını almağa kömək edir.

2. Qanda şəkərin balansını qoruyur - Səhər alma yemək gün ərzində qanda şəkərin səviyyəsini sabit saxlamağa kömək edə bilər. Bu, pektinin təsiri ilə əlaqədardır: o, həzmi ləngidir və qidanın bağırsaqdan keçməsini yavaşıdır. Dieytoloq Cennifer Finke izah edir ki, bu xüsusiyyət sayəsində almalar qanda şəkərin kəskin artmasının və yemək istəklərinin qarşısını ala bilər. Tədqiqatlar göstərir ki, aşağı qlikiemik indeksə malik meyvələrin – məsələn, alma, üzüm və yabanı qaragilənin – müntəzəm qəbulu 2-ci tip diabet riskini azalda bilər.

3. Toxluq hissini artırır - Əgər məqsədiniz çəkiyə nəzarət etməkdirsə, alma ideal seçimdir. Lif toxluq hissini artıraraq daha az yeməyə kömək edir. Finke arıqlamaq istəyənlərə yeməkdən 10-15 dəqiqə əvvəl bir bütöv alma yeməyi tövsiyə edir – bu, doyma effektini gücləndirir.

Samir