Ürək üçün hansı qidaların və içkilərin faydalı olduğunu bilmək təkcə yaxşı deyil, həm də ürək-damar sisteminin sağlamlığını qorumaq üçün həyati əhəmiyyət daşıyır. Hətta ürək üçün düzgün qidalanma barədə kifayət qədər məlumatlı olsanız belə, elə bir içki var ki, ürək-damar sisteminin sağlamlığını dəstəkləyir və çox güman ki, onu nəzərdən qaçırırsınız.

Hit.az xəbər verir ki, bunu "Parade" yazır.

Bu içki ürək üçün o qədər faydalıdır ki, kardioloqlar onu gündəlik içməyi tövsiyə edir. Əgər ürək üçün faydalı bir şey içmək istəyirsinizsə, yaşıl çay əla seçimdir. Kardioloqlar iddia edir ki, bu çay bir neçə əsas səbəbdən ürək sağlamlığı üçün faydalıdır.

Kardioloq Leonard Pianko izah edib ki, yaşıl çayın ürək-damar sistemi üçün faydalarından biri onun yüksək antioksidant tərkibi ilə bağlıdır.

Həkimin sözlərinə görə, antioksidantlar sərbəst radikalların səbəb olduğu hüceyrə zədələnmələrinin qarşısını ala və ya onları bərpa edə bilər.

Nəşr qeyd edir ki, bu vacibdir, çünki sərbəst radikallar iltihaba səbəb olur və bu da ürək-damar xəstəliklərinin əsas səbəbidir.

Kardioloq Kişan Pariх bildirib ki, yaşıl çayın qəbulu hipertoniya xəstələrində qan təzyiqinin aşağı düşməsi ilə də əlaqələndirilir. Bu da yenə yaşıl çayın yüksək antioksidant tərkibi ilə bağlıdır. Antioksidantlar qan damarlarını rahatladır, onların genişlənməsinə kömək edir. Bu isə yaxşı qan dövranına və təzyiqin aşağı düşməsinə səbəb olur.

Doktor Piankonun sözlərinə görə, yaşıl çayın ürək-damar sisteminə fayda göstərməsinin digər yolu metabolizmi sürətləndirməkdir.

“Yaşıl çay metabolizmi sürətləndirərək arıqlamaya kömək edə bilər”, - o deyib və bu xüsusiyyətin yaşıl çayı daha da faydalı etdiyini vurğulayıb, çünki artıq çəki ürək-damar xəstəlikləri üçün risk faktorudur.

Samir