Çoxlarına tanışdır: gündüz aclıq hiss etmirsən, amma axşam yemək yemədən dayana bilmirsən. 

Hit.az-ın məlumatına görə, diyetoloq Kelsi Kunik "EatingWell" üçün yazdığı məqalədə bildirir ki, səbəb iradənin olmaması deyil, qidalanma rejimi və gün ərzindəki vərdişlərlə bağlıdır.

Tanış nümunə

Bir pasiyentinin axşam tamamilə idarəolunmaz olduğunu, istəmədiyi şeyləri belə yediyini və gün ərzində etdiyi bütün səyin “boşa çıxdığını” söyləyir.

“Buna emosional yemək kimi baxmaq olar, amma bu vəziyyət emosional reaksiyadan qaynaqlanmırdı. Gün rejimi və qidalanma nümunəsinə əsaslanaraq, səbəb fiziki ola bilərdi", diyetoloq izah edir.

Diqqət yetirilməli iki əsas problem

1.Gün ərzində kifayət qədər kalori qəbul etməmək

2.Qeyri-balanlı qidalanma

Diyetoloq qeyd edir ki, əgər səhər yeməyi və nahar əsasən karbohidratlardan ibarətdirsə, bu qidalar tez həzm olunur və qan şəkərinin sürətli dəyişməsinə səbəb ola bilər, çünki zülal və yağ kimi həzm prosesini yavaşladan maddələr çatışmır.

Tədqiqatlar göstərir ki, səhər yeməyinə zülal əlavə etmək yalnız enerji istehsalını tənzimləməyə kömək etmir, həm də gün boyu qan şəkərinin artımını azaldır. Uzun ac qalmaq isə beyində güclü aclıq hissi və yüksək kalorili yeməklərə həvəsi artıran sahələri aktivləşdirir.
 
Gecə yeməyinin səbəbi qida çatışmazlığı olduqda əlamətlər:

*Gün ərzində çox az yeyirsiniz (çox vaxt 800–1000 kaloridən az)

*Yeməklər arasında 5 saat və ya daha çox fasilə olur

*Axşam yeməyi mütləq və təcili ehtiyac kimi görünür

*Hətta istəmədiyiniz məhsulları yemək istəyirsiniz

*Əvvəl diyet və ya kalori/qida məhdudiyyəti təcrübəniz var

Problemin həlli üçün addımlar

Səhəri zülalla başlayın – 20–30 qram zülal qəbul etməyə çalışın. Yumurta ilə tam taxıllı tost, qoz və giləmeyvə ilə yunan yoğurtu və ya zülal-fındıq smuzi yaxşı variantlardır.

Balanlı nahar planlayın – naharınıza zülal, mürəkkəb karbohidrat, faydalı yağ və tərəvəz daxil edin. Məsələn, toyuqlu dənli kasə, paxlalı və kinoalı salat və ya meyvəli sendviç.

Günorta və ya səhər ara yeməyi əlavə edin – 5 saatdan çox ac qalmamağa çalışın. Aralıq yeməklər üçün alma ilə fıstıq yağı, pendir və kraker, yunan yoğurtu ilə qranola uyğun variantlardır.

Axşam yeməklərini məqsədli edin – bioloji səbəbləri anladıqdan sonra, istəsəniz yatmazdan əvvəl də yemək yeyə bilərsiniz. Artıq bu, nəzarətsiz istək deyil, seçim olacaq.

Əvvəl dietoloqlar 7 səhər yeməyi məhsulunu qeyd etmişdilər ki, bunlar gün boyu enerji təmin edir.

Samir