Alkoqol yuxuya tez düşməyə kömək edir, lakin sürətli yuxu fazasını (REM) zəiflədir, beyin bərpasını pozur və gündüz yorğunluğunu artırır — buna görə yuxusuzluqla mübarizə üçün hətta kiçik spirtli içkilər belə uyğun deyil. 

HİT.az xəbər verir ki, bu barədə rentgenoloq Xose Manuel Felises "20minutos" nəşrinə müsahibəsində xəbərdarlıq edib.

Həkimin sözlərinə görə, alkoqol həqiqətən yuxuya tez düşməyə yardım edə bilər, lakin o, yuxunun normal strukturunu pozur. Əsasən, alkoqol sürətli yuxu fazasını (REM) zəiflədir. REM fazası kognitiv funksiyaların bərpasına və emosional tənzimləməyə cavabdehdir.

Yuxu yavaş (NREM) və sürətli (REM) fazalarının növbələşməsindən ibarətdir. Bu fazalar təxminən 90 dəqiqəlik dövrlər əmələ gətirir və gecə boyu insan dörd-şəkkiz dövr keçir. REM fazasında beynin məlumatları işlədiyi, yaddaşın möhkəmləndiyi və gündüz yükündən sonra “yenidən başladığı” vurğulanır.

Felises izah edir ki, sürətli yuxunun pozulması yaddaş və diqqətin zəifləməsi, artan narahatlıq, depressiya riski və növbəti gün yorğunluq və əsəbilik hissi ilə nəticələnir. Orqanizm sadəcə tam bərpa üçün vaxt tapa bilmir.

Həkimin sözlərinə görə, əlavə problem odur ki, alkoqolun təhlükəsiz dozası yoxdur. Buna görə spirtli içkilərdən “yuxu dərmanı” kimi istifadə etmək yalnız yuxunun keyfiyyətini pisləşdirmir, həm də ümumi fiziki vəziyyətə mənfi təsir göstərir.

Samir