Gündəlik məşqləri və ya oxşar məqsədə malik insanlarla ünsiyyəti birlikdə həyata keçirmək arıqlama prosesini sürətləndirir. 

HİT.az-ın məlumatına görə, Moskva Dövlət Psixoloji-Pedaqoji Universitetinin “Ekstremal Psixologiya” fakültəsinin dekanı Dmitri Deyulin gazeta.ru qəzetinə bildirib ki, bu zaman “rəqabət effekti” – sağlam rəqabət və daha yaxşı nəticə üçün təşviq – işə düşür.

Deyulin izah edib: “Vacibdir ki, ortaq məqsədləri və dəstəyi olan bir komanda olsun. Burada daha zəif olanlara motivlərini daha yaxşı dərk etməkdə kömək edilə bilər. Bu, sizin öz “dəstək sistemi”niz adlana bilər. Online qrup, ailə üzvü, dost müntəzəm olaraq uğurlarınızı qiymətləndirə və sədaqətinizi qorumağa kömək edə bilər. Bundan əlavə, proqramı həyata keçirməyə başlamazdan əvvəl fikrinizi sizin üçün əhəmiyyətli olan biri ilə paylaşmaq, müsbət təsdiq və məsləhət almaq vacibdir. Belə bir şəxsə yönəlmək motivasiyanızı artıracaq və bütün tapşırıqları vicdanla yerinə yetirməyə kömək edəcək.”

Həmçinin, irəliləyişin vizual olaraq başqası tərəfindən qiymətləndirilməsi vacibdir. Bu, tərif və heyranlıq sözləri ola bilər:

“Pozitiv təsdiqlər və qısa təriflər güclü motivator rolunu oynayır. Lakin çox vacibdir ki, sağlamlıq və çəki vəziyyətiniz üçün müşahidə protokolu olsun. Həmçinin qida rasionunu planlaşdırmaq mümkündür. Bu, psixoloji olaraq müsbət dəyişiklikləri izləməyi, məmnunluq hissi əldə etməyi və ya əksinə, təsirin azaldığı halda proqramı və qidalanmanı düzəltməyi asanlaşdırır".

Eyni zamanda, özünüzə mənfi təsir göstərən mənbə və situasiyalardan uzaq durmaq lazımdır ki, patologik yemək davranışları başlamasın.

“Emosional vəziyyətin tənzimlənməsi üsulları və ya özünəinam, stresə dözümlülük, narahatlığın azalması və s. istiqamətində mütəxəssislərlə keçirilən xüsusi treninqlər də faydalı ola bilər", deyə mütəxəssis yekunlaşdırıb.

Samir