Alma yaxşı lif mənbəyidir (orta ölçülü bir alma 4,8 qram lif ehtiva edir). Lif həzm sisteminin fəaliyyətini dəstəkləyir, çəkiyə nəzarətə kömək edir və ümumi sağlamlığa müsbət təsir göstərir.

HİT.az xəbər verir ki, lakin diuetoloq Syuzanna Fişerin “Verywell Health” nəşrinə istinadən bildirdiyinə görə, bəzi meyvələrdə alma ilə müqayisədə eyni qədər, hətta daha çox lif mövcuddur.

1. Maraqya - 1 stəkan marakuyada 24,5 qram lif var. Bundan əlavə, marakuya A və C vitaminləri ilə zəngindir və göz, dəri və immun sisteminin sağlamlığını dəstəkləyir.

2. Quava - 1 stəkan quavada 8,9 qram lif mövcuddur. Tədqiqatlara əsasən, quava portağaldan daha çox C vitamini ehtiva edir.

3. Moruq - 1 stəkan moruqda 8 qram lif var. Araşdırmalar göstərir ki, moruq alma və armuddan belə daha çox lif ehtiva edir. Bu giləmeyvə antioksidantlar, vitaminlər və minerallarla zəngindir.

4. Böyürtkən - 1 stəkan böyürtkəndə 7,6 qram lif mövcuddur. Böyürtkən yüksək antioksidant, vitamin, mineral və lif tərkibinə görə “super qida” hesab olunur.

5. Yabanı qaragilə - 1 stəkan porsiyada 6,2 qram lif var. Bu meyvə mağazalarda satılan növlərlə müqayisədə daha çox antioksidant və lif ehtiva edir. Həmçinin C və K vitaminləri ilə, eləcə də flavonoidlər kimi antioksidantlarla zəngindir.

6. Armud - Orta ölçülü bir armud 5,5 qram lif ehtiva edir. Armud alma ilə müqayisədə daha çox liflə zəngindir və C vitamini mənbəyidir. Dietoloqlar konservləşdirilmiş armudun yüksək şəkər tərkibinə görə tövsiyə olunmadığını bildirirlər.

7. Kivi - 1 stəkan kividə 5,4 qram lif var. Kivi C vitamini ilə zəngindir. İki kiçik kivi alma ilə müqayisədə iki dəfə daha çox lif verə bilər. Kivinin qabığı ilə birlikdə yeyilməsi lif miqdarını təxminən 50% artırır.

8. Qreypfrut - Bir qreypfrutda 5 qram lif mövcuddur. O, A və C vitaminləri, minerallar və yüksək su tərkibi ilə seçilir, yağ tərkibi isə çox aşağıdır.

9. Avokado - Yarım stəkan avokadoda 5 qram lif var. Avokado adətən meyvə kimi düşünülməsə də, liflə zəngin məhsuldur. Bundan əlavə, az karbohidratlıdır və E vitamini ilə ürək üçün faydalı yağlarla zəngindir.

Samir