Əgər insan tez-tez əşyalarını hara qoyduğunu unudursa, bu, hər zaman yaddaşın zəifləməsi ilə deyil, yorğunluq, yuxusuzluq və ya xroniki streslə bağlı ola bilər. 

HİT.az xəbər verir ki, bu barədə gazeta.ru-ya tibb elmləri namizədi Aleksandr Kalyujin məlumat verib.

Onun sözlərinə görə, fizioloji baxımdan unutqanlıq əksər hallarda yaddaşın real zəifləməsi ilə deyil, informasiyanın yadda saxlanma prosesinin pozulması ilə əlaqədardır:

"Daha sadə desək, insan əşyanı bir yerə qoyur, lakin həmin anda diqqəti yayındığı üçün bu hərəkəti tam şəkildə yadda saxlaya bilmir. Ən çox rast gəlinən səbəblər yorğunluq, yuxusuzluq, xroniki stres, emosional gərginlik və eyni anda bir neçə işi görmək vərdişidir. Nəticədə diqqət və operativ yaddaş zəifləyir və insana elə gəlir ki, əşyanı "itirmişdir".

Həkim bildirib ki, belə unutqanlıq hər zaman xəstəlik əlaməti sayılmır. Yüksək iş yükü dövrlərində bu hal sağlam insanlarda da müşahidə oluna bilər:

"Lakin bu vəziyyət tez-tez təkrarlanırsa, gündəlik həyata və işə mane olursa, ümumi diqqətsizlik, söz tapmaqda çətinlik, orientasiya pozğunluğu və güclü zəifliklə müşayiət olunursa, mütəxəssisə müraciət etmək və nevroloji, endokrin və ya defisit halları istisna etmək lazımdır. Profilaktika isə sadədir: kifayət qədər yuxu, informasiya yükünün azaldılması, çoxvəzifəlilikdən uzaq durmaq və hərəkətləri şüurlu şəkildə yerinə yetirmək vərdişi. Məsələn, açar, telefon və çanta kimi əşyalar həmişə eyni yerlərdə saxlanılmalıdır".

Samir