Böyrəklər qandakı tullantıları və artıq mayeni süzdüyü üçün onların normal fəaliyyəti üçün kifayət qədər su qəbul etmək vacibdir. Susuzlaşma böyrəklərə qan axınını azalda, ağır hallarda isə kəskin böyrək zədələnməsinə səbəb ola bilər. Kifayət qədər su içmək həmçinin sidiklə tullantıların xaric olunmasına və böyrək daşlarının yaranma riskinin azalmasına kömək edə bilər.

HİT.az xəbər verir ki, bu barədə "Verywell" yazıb.

Mütəxəssislər gündəlik su ehtiyacının insandan-insana dəyişdiyini bildirirlər. Fiziki aktivlik, hava temperaturu, qidalanma və sağlamlıq vəziyyəti nəzərə alınmalıdır. Ümumi tövsiyə kimi isə gündə 8–10 stəkan maye tez-tez qeyd olunur.

Diyetoloqlar şəkərli və yüksək kalorili içkilərin həddindən artıq qəbulundan çəkinməyi məsləhət görürlər. Bu içkilər artıq çəki və xroniki xəstəliklərin riskini artıra, bəzi qazlı içkilər isə böyrək daşlarının yaranmasına şərait yarada bilər.

Böyrək daşı yaranmasına meyilli insanlarda isə limon, laym və portağal şirəsi tərkibindəki sitrat səbəbindən bəzi kalsium daşlarının yaranmasının qarşısını almağa kömək edə bilər.

Samir