Yataq otağındakı səliqəsizlik yuxunun keyfiyyətini pisləşdirə bilən amillərdən biri ola bilər. Çoxsaylı vizual qıcıqlandırıcılar koqnitiv yükü artıra və insanın yatmazdan əvvəl rahatlamasına mane ola bilər. 

HİT.az xəbər verir ki, bu barədə Avropa Pozitiv Psixologiya İnstitutunun eksperti, psixoloq Ana Gerrero Brana “Hola” nəşrinə danışıb.

Mütəxəssisin fikrincə, səliqəli yataq otağında beyin dağınıq geyimlər, müxtəlif səthlər üzərindəki əşyalar, açıq siyirmələr və kağızlar kimi çoxsaylı vizual stimulları daim emal etməli olmur. Psixoloqun sözlərinə görə, bu, kortizol səviyyəsinin azalmasına və sakitlik hissinin yaranmasına kömək edə bilər.

“Əksinə, səliqəsizlik insana tamamlanmamış işləri xatırlada bilər. Yatmazdan əvvəl insanın gördüyü bəzi əşyalar diqqət tələb edən tapşırıqlarla əlaqələndirilə bilər. Məsələn, geyimləri toplamaq, sənədləri səliqəyə salmaq və ya təxirə salınmış işi yerinə yetirmək zərurəti barədə düşüncələr yarana bilər. Bu isə narahatlıq və yüksək ayıqlıq vəziyyətinin davam etməsinə səbəb ola bilər və nəticədə yuxuya getmək və keyfiyyətli yuxunu qorumaq çətinləşir”, – ekspert qeyd edib.

Bununla yanaşı, psixoloq vurğulayıb ki, otağın səliqəyə salınması yuxu problemlərindən xilas olmaq üçün universal üsul deyil. Yataq otağında nizam sözdə yuxu gigiyenasının yalnız elementlərindən biri ola bilər. Buraya müntəzəm yuxu rejimi, istirahət üçün rahat şərait və digər faydalı vərdişlər də daxildir.

Samir