Koronavirusa yoluxan Səyyad Əlizadənin və həyat yoldaşı Kəmalə Əlizadənin vəziyyəti stabil olaraq qalır. 

Bu barədə Oxu.Az-a müğənninin qohumu Razim Qarayev məlumat verib.

O bildirib ki, sənətçinin həyat yoldaşı da müalicəsini davam etdirir:

“Kəmalə xanımın vəziyyəti nisbətən yaxşıdır. Lakin müalicələr başlayandan heç bir irəliləyiş yoxdur, stabil olaraq qalır. Səyyad Əlizadənin vəziyyəti isə ağırdır. Süni tənəffüs aparatına qoşulu vəziyyətdədir. Həkimlər heç bir yenilik olmadığını deyir”.