İrəvan dövlət Azərbaycan Dram Teatrının Baş rejissoru, Əməkdar artist Sərvər Əliyev Qaqauz teatrının rəhbəri Mixail Konstantinovla görüşüb.

Bu barədə Hit.az-a açıqlamasında rejissorun özü məlumat verib. O qeyd edib ki, Mixail Konstantinovun quruluş verdiyi tamaşalara baxıb:

“Mən uzun müddətdir ki, Qaqauz teatrı ilə əlaqə saxlamaq istəyirdim. Onlarla iş birliyi qurmaq istəyirdim. Onlara təklif etmişdim ki, gəlin Dərbənd teatrında tamaşa hazırlaın. Çox yaxşı oldu ki, Mixail Konstantinovla görüşümüz alındı, yaradıcılıq müzakirəsi apardıq”.

Sərvər Əliyev deyib ki, görüşdə məqsəd təcrübə mübadiləsi keçmək, Dərbənd teatrını Qaqauz Teatrına, Qaqauz Teatrını da Dərbənd Teatrına  dəvət etməkdir: "Buna da razılaşdıq. Onların kollektivləri də istedadlıdır. Onlarla əlaqələrimizin sıx olmasına çalışıram”.

Azra