Fransanın dövlət televiziyası "France Televisions" aktyor Jerar Depardyenin təzyiq və zorlamada ittiham olunduğu sənədli filmin yayımlanmasından sonra ONUN baş rolda çəkildiyi filmlərin nümayişini dayandırıb. 

HİT.az xəbər verir ki, bunu "France Televisions"ın kinematoqrafiya və beynəlxalq inkişaf üzrə direktoru Manuel Alduy "France 2" telekanalında deyib.

"Jerard Depardyeni tərifləməməliyik. Bu mümkün deyil", deyə o bildirib.

Dünən Fransanın “Depardye: Adamyeyənlərin süqutu” sənədli filmi nümayiş olunub. Xüsusilə, filmdə Depardyenin 2018-ci ildə ölkənin 70 illik yubileyi üçün Şimali Koreyaya səfəri göstərilir. Filmə çəkildiyini bilən Depardye qadınlara nalayiq təriflər yağdırıb, onların görkəminə münasibət bildirib, tərcüməçini sıxışdırıb, həmçinin atçılıq mərkəzində gördüyü azyaşlı atlının görkəmini əxlaqsızcasına qiymətləndirib.

Aprelin 12-də məlum olub ki, 13 qadın Jerar Depardyeni cinsi təcavüzdə ittiham edib. Bütün ittihamlar Depardyenin 2004-2022-ci illər arasında işlədiyi 11 film və seriala aiddir.

Bəzi qızlar baş verənlər barədə anonim danışıb, bəziləri isə danışmayıb. Onların arasında 2018-ci ildə aktyora qarşı zorlama ittihamları irəli sürən aktrisa Şarlotta Arnoux da var.

2023-cü ilin sentyabrında aktrisa Ellen Darras da Depardyeyə qarşı polisə şikayət edib.

Samir