Bu gün Xalq artisti Prezident təqaüdçüsü, Azərbaycan Kinematoqrafçılar İttifaqının sədri Rasim Balayevin 76 yaşı tamam olur.

Azərbaycan kinosu deyildikdə ilk növbədə Babək, Beyrək, Nəsimi kimi rolları ilə adını kino salnaməmizə qızıl hərflərlə yazdırmış bu aktyor yada düşür. Kinematoqraflar İttifaqına sədrlik edən sənətkar Azərbaycan kinosunun bu günündən məmnundur, hansı aktyorları öz davamçısı kimi görür?

“Bu gün təəssüf ki, mənim gəncliyimdə olduğu kimi böyük və keyfiyyətli filmlər çəkilmir. Aktyor özünü yaxşı filmlə göstərə bilər, yaxşı filmlər yoxdur deyə onlar üçün meydan da yoxdur. Yaxşı aktyorlarımız var. İndi adlarını çəkmək istəmirəm. Adını unutduqlarım inciyərlər” deyə Xalq artisti bildirib.

O son dövrdə müxtəlif istehsal şirkətləri tərəfindən çəkilən filmləri izləmədiyini də bildirib. Bəs Azərbaycanda niyə yaxşı film çəkilmir? Bu sualın cavabı olaraq Rasim Balayev bildirib ki, bunun səbəbləri çoxdur və bu barədə danışmaq uzun zaman alar.

“Birinci olaraq kinoya böyük maliyyə ayrılmalıdır. Başqa səbəblər də var. Kinoittifaq olaraq çalışırıq ki, kinomuzun inkişafı üçün əlimizdən gələni edək. Kinomuzun gələcəyinə inanıram” deyə o bildirib.//Lent.az

Taksi qiymətləri yenidən artacaq?

Ötən aylara nisbətən hazırda paytaxtın küçə və prospektlərində nəqliyyatın hərəkətində sıxlığın azaldığı müşahidə olunur. Buna səbəb kimi məktəblərdə və universitetlərdə yay tətilinin olması göstərilir. Eyni zamanda məzuniyyətə çıxan insanların paytaxtdan kənar ərazilərə səfər etmələri də şəhərdə nəqliyyat axınının azalmasında müəyyən qədər təsirlər göstərib. Lakin sentyabrdan təhsil müəssisələrinin yeni tədris ilinə başlayacağını, eləcə də məzuniyyətə gedənlərin iş başına dönəcəklərini nəzərə alsaq, paytaxtda yenidən sıxlığın olacağı, eləcə də taksi nəqliyyat vasitələrinə tələbatın artacağı qaçılmazdır.