Britaniyalı müğənni Elton Con bildirib ki, görmə qabiliyyətindəki problemlər səbəbindən yeni albomunun üzərində işi tamamlaya bilmir.

HİT.az xəbər verir ki, sənətçi bu barədə "Good Morning America" proqramında danışıb.

77 yaşlı sənətçinin sözlərinə görə, artıq dörd aydır sağ gözü ilə yaxşı görmür və sol gözündə də problemlər var. Elton Con qeyd edib ki, müsahibələr verməkdə çətinlik çəkməsə də, studiyada mahnı yazmaq mümkün deyil, çünki hətta mahnı mətnini belə görə bilmir.

Müğənni sentyabr ayında keçirdiyi göz infeksiyasından sonra görmə qabiliyyətinin bərpa olunmağa başladığını qeyd edib, lakin bu prosesin uzun sürdüyünü vurğulayıb.

50 illik karyerası ərzində sir Elton Con Böyük Britaniya imperiyasının ordeni kavaleri olaraq, 300 milyondan çox disk satıb. Onun 52 sinqlı Britaniya TOP-40-a, ABŞ-da isə 23 sinqlı həmin siyahıya düşüb. Onlardan 16-sı ilk onluğa, altısı isə birinci yerə yüksəlib. Ən məşhur mahnılarından biri olan "Candle in the Wind" (1997) 37 milyon nüsxə ilə satılıb.

Samir