Azərbaycan Prezidenti İlham Əliyev ilə Rusiya prezidenti Vladimir Putin arasında telefon danışığı baş tutub.

HİT.Az-ın xəbərinə görə, bu barədə Kremlin mətbuat xidmətindən məlumat verilib. 

Açıqlamada “İkitərəfli gündəliyin aktual mövzuları müzakirə edilib. Rusiya-Azərbaycan tərəfdaşlığının bütün sahələrdə daha da möhkəmlənməsinə qarşılıqlı münasibət təsdiqlənib. İlham Əliyev Vladimir Putini Rusiyanın koronavirusa qarşı hazırladığı vaksinin təsdiqlənməsi münasibətilə təbrik edib”, - deyə bildirilib.

Dövlət başçıları həmçinin ötən ay Azərbaycan-Ermənistan sərhədində vəziyyətin gərginləşməsi ilə bağlı danışıb.