Ermənistanın baş naziri Nikol Paşinyan xarici ölkələrin və beynəlxalq təşkilatların rəhbərləri ilə telefon danışıqlarını davam etdirir.

Erməni mətbuatı yazır ki, Paşinyan İran prezidenti Həsən Ruhaniyə zəng edib. Telefon danışığında cəbhədə vəziyyətin gərginləşməsi müzakirə olunub.

Qeyd edək ki, bu gün sosial şəbəkələrdə İran ərazisindən Ermənistana silah və hərbi texnika daşınmasını təsdiqləyən yeni faktlar paylaşılıb. Videolardan aydın görünür ki, İran ərazisindən keçməklə, Ermənistana silah, hərbi texnika və hərbi təyinatlı maşınlar daşınır.