Ermənistan Qarabağda məğlubiyyətini pərdələmək üçün ən müxtəlif təxribatlara əl atır. 

Bu, xüsusilə informasiya savaşında özünü biruzə verir. Rəsmi İrəvan ümid edir ki, “fake news”larla  münaqişənin miqyasını böyüdərək üçüncü ölkələri müharibəyə cəlb edə biləcək, Azərbaycan Ordusunda, Azərbaycan cəmiyyətində ruh düşkünlüyü yaradacaq. 

Lakin Ermənistanın siyasi rəhbərliyi fərqində deyil ki, informasiya əsrində saxta məlumatlarla hansısa uğura imza atmaq mümkün deyil.

Bu günlərdə Ermənistan daha bir yalan məlumat yayıb. Azərbaycanın hərbi formasında olan bir şəxsin fotosunu yayaraq onun erməni hərbçiləri tərəfindən əsir götürüldüyünü bəyan edib. Az sonra məlum olub ki, Ermənistan silahlı qüvvələrinin əlində “əsir” olan həmin şəxs Vaxtanq Kurqçyan adlı ermənidir.