Rusiya Qarabağdakı vəziyyətin nizamlanmasına dair üç ölkə lideri arasında imzalanan bəyanatın şərtlərinin icrasında durğunluq, bəzən isə şərtlərin yerinə yetirilməsində təhrif hallarını sezir.

Axar.az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirilən brifinqdə deyib.

Zaxarova, həmçinin Qərb ölkələrinin bəyanat barədə verdikləri reaksiyanın onlarda təəccüb doğurduğunu bildirib:

“Biz Qərb ölkələrindən bəyanatın müddəalarının yerinə yetirilməsinə mane ola biləcək reaksiyalar görürük. Siz nədən çəkinirsiniz axı? Cəmi bir ay əvvəl bütün dünya Qarabağda qarşıdurmaların dayanmasını arzulayırdı. Səbirsizliklə gözlənilən bu atəşkəs indi həyata keçirildi, o davam edir və dəstəklənir. Biz Qərbdən görməyə alışdığımız genişmiqyaslı reaksiyasını bu mövzuda görə bilmirik, amma bilirik ki, onlar özlərinə məxsus şəkildə böyük formatlı reaksiya verəndə bu, hamı tərəfindən eşidiləcək”.