Ermənistanın radikal milliyətçi "Daşnaktsutyun" hərəkatının Ali orqanının üzvü Spartak Seyranyan yeni müharibə ehtimalının yüksək olaraq qaldığını bildirib.

HİT.Az xəbər verir ki, bu barədə o, Facebook hesabında yazıb. 

"Daşnaktsutyun" funksioneri yazır ki, yeni müharibə ehtimalı çox yüksəkdir: "Kapitulyasiya nəticəsində meydana çıxan yeni xəritəyə baxın. Azərbaycanın yeni, açıq iddialarına qulaq verin".

Spartak Seyranyan, Azərbaycanla yeni müharibənin başlanması ehtimalının həm də Ermənistanın bunun qarşısını ala biləcək rıçaqlara sahib olmadığına görə yüksək olduğunu bildirtir: "Bizdə dövlət yoxdur. Həmçinin bizdə nə təhlükəsizlik, nə xarici, nə daxili, nə iqtisadi və nə də hər hansı başqa siyasət mövcuddur. Nəqədər ki, hazırki hökumət iqtidardadır yaxın gələcəkdə də siyasətimiz olmayacaq".

Seyranyan onu da qeyd edib ki, indiki hökumət iqtidarda qaldığı müddətdə Ermənistan hələ çox kapitulyasiya sənədlərinə imza atacaq.