Azərbaycanda akkreditə olunmuş diplomatik korpus nümayəndələrinin işğaldan azad olunmuş Cəbrayıl və Zəngilan rayonlarına səfəri başa çatıb.

APA-nın səfəri müşayiət edən əməkdaşının xəbərinə görə, diplomatlar Zəngilanın mərkəzində ermənilər tərəfindən dağıdılmış şəhər məscidinə və digər dağıdılmış abidələrə baxıb, Mincivan yaşayış məntəqəsinə baş çəkiblər.

Bundan əvvəl isə onlar Cəbrayılda dağıdılmış qəbiristanlığa, "Çinar” çay evinin qalıqlarına və qədim Xudafərin körpüsünə baş çəkib, dağıdılmış mədəniyyət sarayının qalıqları arasında canlı skripka ifasına qulaq asıblar.