“Rusiya sülhməramlılarının vasitəçiliyi ilə 2020-ci ilin dekabrından ümumilikdə 146 nəfər geri qaytarılıb: 127-si Ermənistan tərəfinə, 19-u Azərbaycan tərəfinə”.

“Qafqazinfo” xəbər verir ki, bunu Rusiya Xarici İşlər Nazirliyinin sözçüsü Mariya Zaxarova keçirdiyi brifinq zamanı deyib. 

"Rusiya Azərbaycanın bu il fevralın 7-də səkkiz hərbçisinin Ermənistan tərəfinə təhvil verməsini alqışlayır. Ermənistan-Azərbaycan münasibətlərində problem yaradan bu qıcıqlandırıcı məsələni nəhayət, tezliklə aradan qaldırmaq, məhbusların mübadiləsini “hamının hamıya” prinsipi üzrə başa çatdırmaq vacibdir”, - deyə Zaxarova qeyd edib. 

Xatırladaq ki, Azərbaycan fevralın 7-də daha 8 erməni hərbçini Ermənistana qaytarıb.