Ermənistan 2020-ci ildə Moskva, Bakı və İrəvan tərəfindən imzalanan və “Dağlıq Qarabağ”da atəşkəs əldə olunmasına kömək edən üçtərəfli bəyanatdan rəsmən öz imzasını geri götürməyib.

Modern.az xəbər verir ki, bunu Rusiya baş nazirinin müavini Aleksey Overçuk bildirib. O deyib ki, eyni zamanda, təxminən il yarımdır ki, regionda kommunikasiyaların açılması üzrə üçtərəfli işçi qrupu çərçivəsində heç bir irəliləyiş yoxdur.

“Ermənistan rəsmi olaraq üçtərəfli bəyanatdan geri çəkilməyib və imzasını da geri götürməyib, lakin eyni zamanda, iki ildir ki, baş nazirin müavinləri səviyyəsində üçtərəfli işçi qrupunun yolunda demək olar ki, heç bir hərəkət yoxdur, yaxud Keçən yaydan bəri - ən azı bir il yarım, deyək” , - Overçuk Birinci Kanala müsahibəsində izah etdi.

Overçukun sözlərinə görə, regionda iqtisadi və nəqliyyat dəhlizlərinin blokdan çıxarılması yalnız Rusiyanın iştirakı ilə mümkündür.