“Azərbaycan beynəlxalq əlaqələrini genişləndirmək kursunda uğurlar əldə edib, əməkdaşlıq coğrafiyası genişlənir. Bu siyasət öz bəhrəsini verməkdədir, artıq bir çox dövlətlərin Azərbaycana olan marağı artıb, əməkdaşlıq əlaqələrinin yaradılmasına çalışan ölkələrin sayı çoxalıb. Azərbaycan Avropanın 1ən çox inkişaf etmiş dövləti olan Almaniya üçün də cəlbedici ölkədir”. 

Bunu Hit.az-a açıqlamasında Milli Məclisin deputatı Aydın Hüseynov deyib.

Deputat qeyd edib ki, Azərbaycan–Almaniya münasibətlərin iki əsrlik tarixi var:

 “1863-cü ildə "Simens qardaşları" firması tərəfindən Gədəbəy ərazisində iri misəritmə və kobalt zavodu inşa edilib. XX əsrin əvvəllərinədək bu zavodlarda xeyli sayda insan işlə təmin edilib, əhalinin maddi rifahı yüksəlib. İndiki Göy-göl və Şəmkir rayonlarında alman koloniyaları yaranıb. Almaniya Azərbaycanın müstəqilliyini ilk tanıyan ölkələrdəndir. Diplomatik münasibətlərin yaranmasından sonra Azərbaycan və Almaniya arasında əlaqələr mütəmadi olaraq, inkişaf edib. Azərbaycan Almaniya üçün neft-qaz ölkəsi kimi beynəlxalq layihələrdə mühüm tərəfdaşlardandır. Azərbaycanda hazırda 100-ə yaxın alman müəssisəsi fəaliyyət göstərir. Almaniya Prezidenti Frank-Valter Ştaynmayerin Azərbaycana rəsmi səfəri və qarşılıqlı əməkdaşlıq perspektivləri ilə bağlı Prezident İlham Əliyevlə apardığı müzakirələri də bu səpkidə dəyərləndirilə bilər”.

Sevinc