Hər il iş və peşə sahələrinə artan tələbat dəyişir.

Texnologiyanın sürətlə inkişaf etdiyi bir dövrdə bəzi sahələrə maraq azalır. 

Maraqlıdır, 2025-ci ildə hansı iş sahələrə maraq artacaq? 

Bu barədə Hit.az-a danışan sosioloq Lalə Qarayeva deyib ki, 2025-ci il üçün ən çox tələb olunan sahələr bir neçə faktora əsaslanaraq, dəyişir. Amma ümumi olaraq, müəyyən sahələr daha çox diqqət çəkir:

“AI və data analitikası sahəsində tələbat artmaqdadır. Bu, robot texnikası, avtonom sistemlər və müxtəlif növ alqoritmaların inkişafı ilə bağlıdır. Veb və mobil proqram inkişafı: İnteraktiv və istifadəyə dost olan tətbiqlərin hazırlanması və idarə olunması üçün bu sahəyə olan ehtiyac böyükdür. İnformasiya təhlükəsizliyi mütəxəssisləri, məlumatların qorunması və kibermüdafiə sahəsində yüksək tələbat var. 

Genetik mühəndislik, biotexnologiya və əczaçılıq sahəsində karyera imkanları genişlənməkdədir. Günəş və külək enerjisi sahəsində mühəndislər, texniklər və layihə menecerləri üçün tələbat artır. Bu il “Blockchain” texnologiyaları və dijital valyutalar sahəsində ixtisaslaşmış mütəxəssislərə ehtiyac böyükdür. Bu sahələr həm cari tələblərə, həm də gələcəkdə daha da artacaq ehtiyaclara əsaslanır. Gələcəkdə iş bazarında rəqabətə davamlı olmaq üçün bu sahələrdə bilik və bacarıqların artırılması faydalı ola bilər”.

Murad