Uşaqların bir qismi çox hərəkətli olur. Aktiv uşaqlara hiperaktiv uşaq deyilir.

Hiperaktiv uşaq diqqət əskikliyi və həddindən çox hərəkətlilik simptomlarını göstərən uşaqlara deyilir.

Pediatr Mətanət Əliyeva Hit.az-a deyib ki, hiperaktivlik pozğunluğu, diqqət əksikliyi uşaq doğulandan olur. Bu adətən 3-4 yaşlarında nəzərə çarpır və 7 yaşına kimi özünü biruzə verir:

“Hiperaktivlik pozğunluğu olan uşaqlar hansısa nəticəni düşünmədən, gözləmədən nə isə edə bilirlər. Hətta hiperaktivlik pozğunluğu olan bəzi uşaqlar bağça və məktəbdə də çətinliklər çəkə bilir. Belə uşaqlarda diqqət problemləri, oturmaq çətinlikləri, növbələrini gözləməkdə çətinlik çəkmələri müşahidə olunur. Məsələn, hiperaktivlik pozğunluğu olan məktəblilərin əksəriyyəti digər yoldaşlarının növbələrini gözləmədən, əllərini qaldırmadan elə yerlərindəcə cavabları uca səslə deyə bilirlər. Oturduqları yerdə çox hərəkətli olurlar, çox gəzirlər, çox danışırlar və s. Belə hallar həm evdə, həm məktəbdə çətinliklərin yaşanmasına səbəb ola bilər.Hiperaktivlik pozğunluğu olan uşaqlar narahat, əsəbi və qəmgin olurlar”..

Sevinc