Adətən, insanlar yorğun və ya kefsiz olduqda "enerjim tükənib", "enerjim yoxdur" kimi ifadələr işlədirlər.

Psixoloqlar bildirir ki, insanın özünü gümrah və enerjili hiss etməsi üçün, yəni orqanizmdə mövcud olan enerjinin qorunması və bərpası üçün insanların riayət edə biləcəyi bir neçə məqam da var.

Psixoloq Aynur Əliyeva Hit.az-a deyib ki, orqanizmin enerji sərfiyyatını artıran məqamlardan biri normadan artıq məsuliyyət götürmək və qədərindən artıq işləməkdir:

"Həddindən artıq məsuliyyət işə, ailəyə və ya sosial həyata qarşı duyula bilər. Buna görə də seçim etməli, ən vacib işləri birinci yerinə yetirməli, digərlərini isə daha sonra münasib vaxta saxlamalısınız. Enerjini qorumaq üçün gündə 3 dəfə böyük porsiyalarla yeməkdənsə, gündə tez-tez, kiçik porsiyalarla yemək faydalıdır. Çünki , beyin yorğunluq hissi yaratmamaq üçün daim qida dəstəyinə ehtiyac duyur. Qidalanmanızda isə daha çox lifli meyvə və tərəvəzlərə, fındıq kimi quru çərəzlərə və zeytun yağı kimi faydalı yağlara üstünlük verilməlidir. Bədən enerjisini artırmaq üçün insanlar təmiz havada gəzməli, xoş musiqilərə qulaq asmalıdır".

Sevinc