Əksər insanlar öz-özünə danışır. Bu hal kənardan dəlilik kimi görünə bilər, ancaq mütəxəssislər əks fikirdədir.

Psixoloq Könül İsmayılova Hit.az-a deyib ki, bəzi insanlar var ki, onların daxili aləmləri, zahiri  kontaktlarından daha güclü olur. Çünki, onların daxili aləmləri qapalı olduğundan, bəzən elə olur ki, hislərini zahirə verə bilirlər:

"Bu, əsasən psixoloq və psixoterapevtin işlədiyi insan tipləridir. Öz-özünə danışmaq dəlilik əlaməti sayılmır. Bu yanlış yanaşmadır. Beyin yaranmış olduğu situasiyalardan, problemlərdən qurtarmaq üçün insana sanki danışması üçün bir siqnal ötürür. Həmçinin, yorğunluq nəticəsində də öz-özünə danışmaq halı baş verə bilər. Eyni zamanda, öz-özünə danışma prosesi bir müddətdən sonra artıq insanı bezdirə bilir. Özündə bu halı müşahidə edən insanlar vaxtında psixoterapevtə müraciət etməlidir".

Sevinc