Biz çox zaman “psixi sağlamlıq” dedikdə xəstəlik və ya diaqnoz düşünürük.

Amma əslində, psixi sağlamlıq — insanın həyatla münasibətidir.
Yəni, özünü necə dərk edir? Stresə necə reaksiya verir? 

Ətrafdakı insanlarla emosional bağ qura bilir, yoxsa sadəcə “davam edir”?

Dünya Səhiyyə Təşkilatının tərifinə görə, psixi sağlamlıq insanın potensialını reallaşdıra bildiyi, gündəlik streslərlə mübarizə aparmağı bacardığı və faydalı şəkildə işləyib yaşadığı haldır. Yəni, bu, həyatın keyfiyyət göstəricisidir.

Psixoloji rifah bəzən sakit bir səhər qəhvəsində, bəzən bir dost söhbətində gizlənir. O, səs-küy içində susqun dayanmaq, amma daxildə sakit qalmaq bacarığıdır.

Bugünkü dünyada — sürətli dəyişikliklər, informasiya yüklənməsi və sosial təzyiqlər fonunda — psixi sağlamlıq sadəcə fərdi məsələ deyil, ictimai məsuliyyətdir.

Çünki emosional balansını itirən cəmiyyət, sağlam inkişaf edə bilməz.

Elə buna görə də bu yazımda məqsədim “psixologiya” elmini insanların həyatına yaxınlaşdırmaq, hər kəsin içindəki “emosional səsi” eşitməsinə kömək etməkdir.

Bu, sadəcə bir elm deyil — bu, insan olmağın sənətidir.

Psixoloq: Lalə Natiq