Amerikalı psixoloq Mark Trevers "Forbes" üçün yazdığı məqalədə sevginin ən yayılmış tələlərindən birinə düşməməyin iki yolunu açıqlayıb.

Hit.az xəbər verir ki, “potensial tələ” adlandırdığı vəziyyətdən danışır – bu, bir tərəfin partnerin dəyişə biləcək qabiliyyətini idealizə etməsi, lakin onun davamlı davranışlarını analiz etməməsidir.

“Başlanğıcda kimininsə potensialına inanmaq dəstək kimi görünə bilər. Amma bu, həm də davamlı gözləmə və ümidə gətirib çıxara bilər ki, insan sizin ağlınızdakı versiyaya çevrilsin, hətta onun hərəkətləri əksini göstərirsə belə. Siz onun uyğunsuzluqlarına bəraət qazandıra, dəyərlər fərqlərini görməzlikdən gələ və ya inan bilərsiniz ki, o, "məqsədinə çatanda", hər şey yaxşı olacaq", deyə Trevers bildirir.

Psixoloq əlavə edir ki, bunu anlamadan insan partnerin gələcəkdə mövcud olmayan versiyasına aşiq ola bilər:

“Siz sözlərə daha çox güvənməyə başlayırsınız, hərəkətlərə yox, onun bu təsəvvür olunan məqsədə çatacağını gözləyirsiniz. Belə gözləmə səbr və ya emosional yetkinlik kimi görünə bilər, amma zamanla emosional bazanız dəyişəcək.”

Trevers “potensial tələ”yə düşməməyin iki yolunu belə izah edir:

Beyninizi faktlara fokuslanmağa öyrədin, potensiala yox. Potensiala aşiq olarkən təxəyyülünüz ön plana çıxır. Siz onun kim ola biləcəyini təsəvvür edirsiniz və öz gözləntilərinizə əsasən boşluqları doldurursunuz.

Özünüzə sual verin: onun potensialı nə deməkdir? Çox vaxt sizi cəlb edən yalnız partnerin əsl kimliyi deyil, onun içində özünüzün əksinizi gördüyünüz xüsusiyyətlərdir. Partnerin inamı, emosional dərinliyi və ya yaradıcılığı sizin inkişaf etdirmək istədiyiniz keyfiyyətlər ola bilər.

Trevers vurğulayır: “Nəticədə potensiala aşiq olmaq düşündüyünüzdən daha çox zərər verə bilər. Əgər təsəvvür olunan gələcəyi – özünüzün və ya partnerin – gözləyirsinizsə, qəbul etməyə hazır olun ki, o heç vaxt gerçəkləşməyə bilər. Potensial böyümə üçün güclü katalizator ola bilər, amma əsl dəyişiklik yalnız hərəkətlərlə təsdiqlənir, vədlərlə yox.”

Samir