Beynəlxalq kouç Kleyton Olson köhnə yaraların münasibətlərə təsir etməsinə imkan verməmək üçün dörd üsulu qeyd edib. 

HİT.az xəbər verir ki, "YourTango" üçün yazdığı məqaləsində o, qəzəbi buraxmağın və yeni vəziyyətə uyğunlaşmağın vacibliyini izah edib.

"Yaxşı xəbər odur ki, keçmişdə baş verənlərdən (ortaq xəyanəti, ağrılı ayrılıqları və ya digər hadisələri nəzərə alaraq) asılı olmayaraq, emosional zəkanı istifadə edərək gələcək münasibətlərinizi sağlam edə bilərsiniz", deyə ekspert bildirib.

Onun sözlərinə görə, əvvəlcə “həddindən artıq uyğunlaşma” adlanan gizli və nəzərə çarpmayan davranışı tanımaq lazımdır. Bu, münasibətlərdə destruktiv haldır: tərəflərdən biri və ya hər ikisi qarşıdurmadan və ya rədd edilməkdən qaçmaq üçün davranışını dəyişir.

Olsonun köhnə yaraların münasibətlərə təsir etməsinə imkan verməmək üçün göstərdiyi 4 üsul:

1. Həddindən artıq uyğunlaşdığınızı və səbəbini anlayın: Keçmişə reaksiya olaraq davranışınızı tanımaq qərəzlərdən imtina etməyə və real olmaqda kömək edir. Özünü dərk etməyi inkişaf etdirən insanlar tetiklərini, davranış nümunələrini anlaya və şüurlu seçim edə bilirlər.

2. Düşüncələri oxumağa çalışmaqdan vaz keçin: Bu qərəz gözləntilərin qarşılanmaması ilə nəticələnən məyusluq dövrü yaradır və insanları tərəfdaşın hərəkətlərini mənfi prizma ilə şərh etməyə sövq edir. Tədqiqatlar göstərir ki, düşüncələri oxumağa çalışmaq narahatlıq, depressiya, yanlış təsəvvürlər və gərgin münasibətlərlə bağlıdır.

3. Açıq və birbaşa ünsiyyət qurun: Tərəfdaşınızın nə düşündüyünü öyrənmək istəyirsinizsə, günahlandırmadan sadəcə danışın. Beləliklə, yanlış anlaşılmalar heç kimə zərər verməyəcək. Tədqiqatlar göstərir ki, açıq ünsiyyət münasibətləri möhkəmləndirir və boşanmaların ən aşağı səviyyəsini təmin edir.

4. Özünüzə və tərəfdaşınıza güvənin: Özünüzə yetərincə güvəndiyinizdə, münasibətlərdə səmimi ola bilərsiniz və tərəfdaşınıza sizi görmək və həqiqətən sevmək imkanı verirsiniz. Tədqiqatlar göstərir ki, dürüstlük və açıq ünsiyyət cütlükləri yaxınlaşdırır. Səmimi insanlara cəlb olunuruq, çünki özünə sadiq olanlar bizimlə də dürüst və sadiq olurlar.

Samir