Uğurlu cütlüklər bayramları münasibətləri möhkəmlətmək və yeni ənənələr yaratmaq fürsəti kimi istifadə edirlər. Onlar Yeni ili bir-birinə yaxınlaşmaq və vacib məsələləri müzakirə etmək şansı kimi də qəbul edirlər. 

HİT.az xəbər verir ki, bu barədə psixoloq və münasibət eksperti Sabrina Romanoff CNBC-yə danışıb.

“Yeni il – şəxsi nəticələri çıxardığımız dövrdür. Gələcək üçün nə istəyirik və bu gələcəyə tərəfdaşımız necə uyğunlaşır?”, deyə mütəxəssis bildirib.

O əlavə edib ki, uğurlu cütlüklərin yeni ildə möhkəm münasibətləri qorumaq üçün etdikləri №1 şey – bir söhbət etmək, keçmiş və gələcək barədə birlikdə danışmaqdır.

Ekspertin sözlərinə görə, cütlüklər üçün hər şey bir söhbətdə toplanır: ilk hissə keçmiş il haqqında analiz və münasibətlərdə nə işlədiyi barədə düşüncələrdən ibarətdir.

Romanoff dərin yaxınlıq anlarına diqqət yetirməyi tövsiyə edib:

“Bir-biriniz qarşısında həssas oldunuzmu? Heç kimə demədiyiniz, həqiqətən qorxulu bir şeyi açıqladınızmı?” Uğurlu cütlüklər əlaqəni möhkəmləndirən anları düşünür və bir-biri ilə paylaşırlar".

Söhbətin ikinci hissəsi gələcək planları və münasibətləri növbəti ildə necə inkişaf etdirə biləcəklərinə həsr olunur. Psixoloq qeyd edir ki, uğurlu cütlüklər dəyişiklikləri tənqid kimi deyil, münasibətləri gücləndirməyin yolu kimi təqdim edirlər. Romanoff tövsiyə edir ki, söhbət belə başlasın:

“Mənə xoşdur ki, sən bunu edirsən” və ya “Sən bunu edəndə səninlə ən yaxın hiss edirəm”. Nəticədə hər tərəfdaş deyir: “Belə olmasını istəyirəm ki, biz birlikdə yaxşı olaq”.

Samir