Münasibətlər üzrə mütəxəssis Natasia Miller insan haqqında istənilən tanışlıq tətbiqindən daha çox məlumat verəcək beş sualı açıqlayıb.

HİT.az bu barədə CNBC-yə istinadən xəbər verir.

Qeyd olunur ki, son sorğulara görə getdikcə daha çox insan romantik münasibətləri onlayn deyil, dostlar, iş yoldaşları, tədbirlər və ya maraq qrupları vasitəsilə tapmağa üstünlük verir.

Millerin sözlərinə görə, bu tamamilə məntiqlidir: "İnsanla üz-üzə görüşdükdə siz onun enerjisini və uyğunluğunu daha yaxşı hiss edə bilərsiniz, bu isə tətbiqlərdə mümkün deyil".

Ekspertin ilk görüşdə soruşmağı tövsiyə etdiyi 5 sual:

* Səni bura nə gətirib?
* Bu tədbirdə səni nə cəlb etdi?
* Hansı insanlarla ünsiyyət qurmağı xoşlayırsan?
* Sənin hobbilərin nələrdir?
* Sən ən çox nə haqqında düşünürsən?

Millerin sözlərinə görə, ilk görüşdə insanı dərhal romantik partnyor kimi deyil, potensial dost kimi görmək daha doğrudur. Əsas məqsəd onun ümumilikdə sizə uyğun olub-olmadığını anlamaqdır.

O əlavə edir ki, insanın davranışı, maraqları və həyat tərzi diqqətlə müşahidə edilməlidir. Həmçinin söhbət tək tərəfli olmamalıdır — qarşı tərəf də suallar verməlidir.

“Əgər insan səmimi maraq göstərir, sual verir və dinləməyi bacarırsa, bu sağlam münasibət üçün güclü əsasdır”, ekspert qeyd edib.

Samir