Nüfuzlu mənbənin bildirdiyinə görə, "Apple" qatlanan displeyli ilk noutbukunun yaradılması üzərində fəal işləyir. 

HİT.az xəbər verir ki, Minq-Çi Kuonun proqnozlarına görə, belə "MacBook "2027-ci ilin sonu və ya 2028-ci ilin əvvəlində buraxılacaq və yalnız bundan sonra qatlanan "iPhone" debütü olacaq.

Eyni zamanda, şirkət ilkin olaraq 2025-ci ildə buraxılışı planlaşdırırdı, lakin "lazımi displeylərin istehsalı ilə bağlı texniki problemlər" səbəbindən təxirə salınmalı olub. Şirkət hətta diaqonalı 18,8 düym olan daha yığcam versiyanın xeyrinə 20,25 düymlük displeyli modeli buraxmaq planlarından da imtina edib.

Gözlənilir ki, qatlanan zaman belə "MacBook"un ekranının yarısı tam ölçülü klaviatura göstərəcək, tam açıldıqda isə monitor funksiyasını yerinə yetirəcək. Xarici klaviatura ilə birlikdə o, mahiyyətcə böyük ekranlı masaüstü kompüterə çevriləcək.

Mürəkkəb "iPhone"un inkişafı ilə bağlı hələlik heç bir məlumat yoxdur, baxmayaraq ki, bəzi bazar iştirakçıları onun yaxın bir neçə ildə buraxılacağını gözləyirdilər. Çox güman ki, "Apple" çevik ekranlı daha yığcam cihazlara keçməzdən əvvəl qatlana bilən "MacBook"un hazırlanmasına diqqət yetirmək qərarına gəlib.

"Motorola", "Huawei", "Xiaomi" və "Samsung" daxil olmaqla bir çox istehsalçı artıq qatlanan displeyli smartfonlar buraxsa da, "Apple" daha böyük cihaza - qatlana bilən "MacBook"a mərc edir. Analitiklərin fikrincə," Apple" hesab edir ki, qatlanan ekranlar noutbuk və planşetlər kimi böyük displey ölçüsünə malik cihazlarda daha çox tələb olunur.

Hazırda qatlanan noutbuklar bazarında lider "Asus" şirkətidir. 2022-ci ilin sentyabrında Tayvan istehsalçısı dünyanın ilk çevik ekranlı 17 düymlük noutbuku olan "ZenBook 17 Fold OLED"i təqdim edib. "Lenovo"nun da oxşar məhsulları var.

Samir