Yanvarın sonlarında təqdim olunan "DeepSeek" neyron şəbəkəsinə marağın artması Çin fond bazarına, xüsusən də texnologiya səhmlərinə investisiyaların əhəmiyyətli dərəcədə artmasına səbəb olub. 

HİT.az xəbər verir ki, bu barədə "Bloomberg" məlumat yayıb.

Son bir ay ərzində Çin bazarı əsas hedcinq fondları da daxil olmaqla, təxminən 1,3 trilyon dollar yeni investisiya cəlb edib. Eyni zamanda, Hindistan fond bazarı eyni dövr ərzində təxminən 720 milyard dollarlıq kapital axını müşahidə edib. Bu, mütəxəssislərin bəzi investorların "DeepSeek"in artan populyarlığı səbəbindən vəsaitlərini Hindistan aktivlərindən Çin aktivlərinə köçürmək qərarına gəldiyini fərz etməyə səbəb olub.

Agentlik "Eastspring Investments"ın Asiya bazarları üzrə analitiki Ken Vonqdan sitat gətirir: "Bu neyron şəbəkə Çində həqiqətən də bütün süni intellekt ekosisteminin inkişafında əsas rol oynayan şirkətlərin olduğunu nümayiş etdirdi".

Yanvarın 28-də bildirilib ki, bir gündə Çin dilində olan "DeepSeek-R1" modeli dünyanın ən populyar tətbiqlərindən birinə çevrilib, "Nvidia" səhmlərinin 600 milyard dollar ucuzlaşmasına səbəb olub və ChatGPT-yə rəqib olub. 

Samir