Bir mühəndisin təcrübəsi "OpenAI"ın populyar çatbotu üçün heyrətamiz nəticə verib və ChatGPT şahmatda 1970-ci illərin "Atari 2600" konsoluna məğlub olub.
HİT.az xəbər verir ki, süni intellekt dünyasının ən güclü nümayəndələrindən biri olan "OpenAI"ın məşhur söhbət robotu ChatGPT maraqlı bir təcrübədə iştirak edib və bu təcrübənin nəticəsində 1970-ci illərin klassik oyun konsolu "Atari 2600"də işləyən sadə bir şahmat proqramına qarşı məğlubiyyətə uğrayıb. Nəticə, müasir süni intellektin güclü tərəfləri qədər zəif cəhətlərini də müzakirəyə açıb.
Bu qeyri-adi şahmat matçında ChatGPT-nin gedişlərini bir interfeys vasitəsilə ötürmək təmin edilib. ChatGPT öz gedişlərini yazılı şəkildə ötürüb, bir insan isə bu gedişləri "Atari 2600"dəki "Chess" adlı şahmat oyununa əl ilə daxil edib. Eyni şəkildə, Atari-nin etdiyi gedişlər də ChatGPT-yə ötürülürüb. Lakin ChatGPT bəzən şahmat gedişlərində adi notasiyalardan istifadə etmək əvəzinə "piyadanı e4-ə sür" kimi daha təbii ifadələrlə əmr verməyə çalışıb. Bəzən isə etibarsız gedişlər edib və ya səhv gedişlər təklif edib. Bu vəziyyət, ChatGPT-nin güclü olduğu təbii dil anlama və yaratma qabiliyyətlərinin, sərt qaydalara əsaslanan şahmat kimi oyunlarda bəzi çətinliklərə səbəb ola biləcəyini üzə çıxarıb.
Süni intellekt nəhəng şahmat biliklərini yaddaşında daşısa da, bu bilikləri birbaşa oyun gedişlərinə çevirməkdə gözlənilən performansı göstərə bilməyib. Xüsusilə oyun irəlilədikcə və gedişlərin mürəkkəbliyi artdıqca, ChatGPT-nin məhdudiyyətləri daha da aydınlaşıb. Buna qarşılıq, "Atari 2600"un 1970-ci illərdən qalmış şahmat proqramı sadə alqoritmlərə malik olmasına baxmayaraq, oyunun qaydalarına və taxtadakı vəziyyətə daha sürətli və dəqiq cavablar verə bilib. Nəticədə, ChatGPT təxminən 90 dəqiqə çəkən bu matçda rəqibinə üstünlük təmin edə bilməyib. Hətta ChatGPT matçın pis getdiyini başa düşəndə, oyunu bir neçə dəfə yenidən başlamağı təklif edəcək qədər "təslim olmama" meyli nümayiş etdirib. Lakin məğlubiyyətdən qaçmağı bacarmayşıb.
Bu təcrübə, müasir süni intellekt modellərinin insanabənzər mətn yaratma və çevik problem həlli kimi mövzularda son dərəcə inkişaf etdiyini göstərsə də, müəyyən qaydalar dəstinə malik qapalı sistemlərdə hələ də klassik alqoritmlərin və ixtisaslaşdırılmış proqram təminatının üstünlüyünü saxladığını sübut edib. ChatGPT kimi böyük dil modelləri mətn anlamada və yaratmada fərqlənir, lakin oyun gedişi yaratmaq kimi sərt qaydalara əsaslanan, optimallaşdırılmış tapşırıqlarda köhnə nəsli proqramlara məğlub ola bilir.
Samir
