Bazarda çoxsaylı keyfiyyətli smartfon modelləri mövcuddur və bunlar arasından seçim etmək çətin ola bilər. Xüsusilə açıq havada aktiv istirahəti sevənlər üçün suya və digər xarici təsirlərə davamlı cihaz seçmək prioritet olmalıdır.

HİT.az xəbər veri ki, "Tom’s Guide" portalı 2025-ci ilin yayında əldə edilə biləcək ən yaxşı 6 suya davamlı smartfonun reytinqini təqdim edib:

1. iPhone 16 Pro Max

* Qoruma dərəcəsi: IP68
* Sualtı davamlılıq: 6 metr dərinlikdə 30 dəqiqə
* Bu model suya qarşı ən yüksək dayanıqlığa malikdir və sualtı çəkiliş üçün də uyğundur.

2. Google Pixel 9a

* Ən sərfəli Android seçimi
* 1,5 metr dərinlikdə 30 dəqiqə müddətində suya davamlıdır
* Büdcə dostu və gündəlik istifadə üçün əlverişli modeldir.

3. iPhone 16

* iPhone 16 Pro Max ilə eyni dərəcədə qoruma təklif edir
* Qiyməti isə daha münasibdir
* Premium xüsusiyyətləri daha sərfəli qiymətə təqdim edir.

4. iPhone 15

* Əgər daha da qənaət etmək istəyirsinizsə, iPhone 15 yaxşı seçimdir
* IP68 dərəcəsində suya davamlılıq təqdim edir.

5. Samsung Galaxy S25 Ultra

* Android flaqmanları arasında ən yaxşı su qorumasına malik modeldir
* 1,5 metr dərinlikdə 30 dəqiqə dözümlüdür
* Gözəl kamera və yüksək performansla birlikdə gəlir.

6. Google Pixel 9

* Əla qiymətə flaqman su keçirməzlik
* 1 metr dərinlikdə 30 dəqiqə davamlılıq
* Üstəlik, sualtı çəkiliş rejimi ilə təchiz olunub.

Qeyd edək ki, yay aylarında temperaturun yüksəlməsi ilə smartfonların qızması və ya zədələnməsi riski də artır. Bu səbəbdən istifadəçilərə cihazlarını soyutma və qoruma üsulları ilə bağlı əlavə tədbirlər görmələri tövsiyə olunur.

Avropa İttifaqının yeni "ekodizayn" tələblərinə əsasən, 2025-ci ilin iyun ayından etibarən bazara çıxarılan bütün smartfonlar toz və su sıçrayışlarına qarşı davamlı olmalı və ən azı 5 il müddətində əməliyyat sistemi yeniləmələri almalıdır.

Samir