"IFI CLAIMS Patent Services" analitik şirkətinə görə, "Apple"ın patent qeydiyyatı fəaliyyəti 2025-ci ildə kəskin şəkildə azalıb ki, bu da korporasiyada innovasiya sahəsində durğunluğu göstərir. 

HİT.az xəbər verir ki, bu barədə "MacRumors" məlumat yayıb.

ABŞ-da şirkətə verilən patentlərin sayı 2024-cü ildəki 3082-dən 2722-yə düşərək 12% azalıb. Bu azalma "Apple"ı ən yaxşı 50 patent alıcısının illik reytinqində bir il əvvəlki dördüncü yerdən altıncı yerə endirib.

Əqli mülkiyyət bazarındakı ümumi vəziyyət də azalma göstərir. 2025-ci ildə ABŞ-da verilən patentlərin ümumi sayı təxminən 1% azalaraq 323272-yə düşüb. Ərizələr daha da əhəmiyyətli dərəcədə, 9% azalaraq 2019-cu ildən bəri ən aşağı səviyyəyə düşüb. Azalma rəqəmsal məlumatların emalı və informasiya kommunikasiyaları da daxil olmaqla əsas texnologiya sahələrinə təsir edib.

"Apple"ın geriləməsinə baxmayaraq, əsas rəqibləri patent aktivliklərini qoruyub saxlayıblar və ya artırıblar. "Samsung" ardıcıl dördüncü ildir ki, 7054 patentlə birinci yeri qoruyub saxlayır, ardınca TSMC və "Qualcomm" gəlir. Bu arada, "Dell" və "Toyota" kimi şirkətlər hesablama infrastrukturu, enerji saxlama sistemləri və avtomobil texnologiyaları ilə bağlı patentlər sayəsində reytinqdə əhəmiyyətli dərəcədə yüksəliblər.

Samir