Beynəlxalq “Cannes Lions” 2026 Yaradıcılıq Festivalında (“Kann Şirləri” 2026) TikTok platforması agent əsaslı süni intellektə əsaslanan yeni həlli – Symphony Agent-i təqdim edib. Bu həll brendlərə ilhamverici ideyaları daha sürətli və daha geniş miqyasda yüksək effektiv kampaniyalara çevirməyə kömək etmək üçün nəzərdə tutulub.
Agent əsaslı süni intellekt vasitəsilə yaradıcılıq potensialının üzə çıxarılması
Bugünkü marketoloqların qarşısında indiyədək görünməmiş dərəcədə mürəkkəb bir vəzifə dayanır: daha sürətli işləmək, daha çox məzmun yaratmaq və real vaxt rejimində mədəni trendləri izləmək. TikTok-un süni intellekt sahəsindəki ən yeni həlli olan Symphony Agent mədəni kontekst və trendlərin dərindən başa düşülməsinə əsaslanır və reklamçılara platformaya uyğunlaşdırılmış kampaniyaları operativ şəkildə və geniş miqyasda yaratmağa kömək etmək üçün hazırlanıb. Symphony Agent süni intellekt tərəfindən yaradılmış məzmunun işarələnməsi, görünməyən su nişanları və moderasiya filtrləri də daxil olmaqla daxili təhlükəsizlik mexanizmləri ilə hazırlanıb.
O, reklamverənin məqsədlərini ən uğurlu məzmunun analitikası və yeni trendlərlə birləşdirərək ideyaların hazır həllərə çevrilməsinə kömək edir. Bu əsasda alət fərdiləşdirilmiş video materialları yarada, müəlliflərdən uyğun məzmun seçə və kampaniyanın maksimum effektivliyini təmin etmək üçün ən uyğun kontent yaradıcılarını müəyyən edə bilir.
Symphony Agent TikTok-un kreativ həllər ekosisteminə inteqrasiya olunub və reklamverənlərə ideyalarını daha sürətlə həyata keçirməyə kömək edir. Azərbaycanda bu həll Symphony Creative Studio platformasında əlçatan olacaq. Burada AI əsaslı çat vasitəsilə cəmi bir neçə dəqiqə ərzində yüksək effektivliyə malik TikTok reklamları hazırlaya biləcəklər.
"Yaradıcılıq hər zaman TikTok təcrübəsinin əsasını təşkil edib və agent əsaslı AI ideyaların hazırlanması və həyata keçirilməsi üçün tamamilə yeni imkanlar açır", – deyə TikTok-un Yaxın Şərq, Türkiyə, Afrika, Latın Amerikası, Mərkəzi və Cənubi Asiya regionları üzrə Qlobal Biznes Həlləri departamentinin rəhbəri Şadi Kandil bildirib.
"Symphony Agent sayəsində brendlər auditoriyanı anlamaqdan kreativ konsepsiyaların hazırlanmasına, məzmunun yaradılmasından isə ölçülə bilən biznes nəticələrinin əldə edilməsinə qədər bütün mərhələləri əvvəlkindən daha sürətlə keçə bilirlər. İstər TikTok üçün xüsusi hazırlanmış kampaniyaların yaradılması, istər uyğun müəlliflərin və istifadəçilər tərəfindən yaradılan məzmunun tapılması, istərsə də kampaniyaların eyni vaxtda bir neçə bazarda genişləndirilməsi olsun, bu alətlər innovativ texnologiyalar vasitəsilə yaradıcı potensialı maksimum dərəcədə reallaşdırmağa və daha yüksək nəticələr əldə etməyə kömək edir."
Auditoriya getdikcə daha çox orijinal, aktual və cəlbedici hesab etdiyi məzmuna üstünlük verdiyi üçün məhz kreativlik TikTok-da biznesin inkişafının əsas amilinə çevrilir. Süni intellekt əsaslı alətlər, müəlliflərlə daha sıx əməkdaşlıq və icmalarla qarşılıqlı əlaqə üçün yeni imkanlar sayəsində TikTok brendlərə auditoriyada əks-səda doğuran və ölçülə bilən biznes nəticələri gətirən məzmun yaratmağa dəstək verməyə davam edir.
TikTok haqqında
TikTok aparıcı qısa video tətbiqidir. Bizim missiyamız insanları yaradıcı olmağa ruhlandırmaq və onlara sevinc bəxş etməkdir.
