“Twitter” in idarə heyətinin sədri Omid Kordestani istefa edib.

Bu barədə mənbələrə istinadən “Reuters” xəbər agentliyi məlumat verib.

Qeyd edildiyi kimi, onun yerinə şirkətin keçmiş maliyyə direktoru Patrik Piçett təyin edilib.

“Twitter-in idarəetmə qrupunun və rəhbərliyinin gücünü nəzərə alaraq, inanırıq ki, idarəetmə strukturumuzu inkişaf etdirməyin vaxtıdır”, – yeni sədr bildirir.

Xatırladaq ki, Kordestani direktorlar şurasının sədri vəzifəsinə 2015-ci ildə təyin edilmişdir, bu barədə CNBC məlumat verib.

Şirkətin rəhbərliyindəki dəyişikliklər ABŞ prezidenti Donald Tramp ilə münasibətlərin pisləşməsi fonunda baş tutub. Mayın sonunda o, “Twitter” i bağlamaq istədiyini açıqlamışdı.

“Əgər o [Twitter] qanuni olaraq bağlana bilsəydi, mən bunu edərdim”, – Tramp.