Danimarkada qadınlar üçün hərbi xidmət 2026-cı ilə planlaşdırılan növbəti parlament seçkilərindən sonra tətbiq oluna bilər. 

HİT.az TASS-a istinadən xəbər verir ki, bunu ölkənin müdafiə naziri Troels Lund Poulsen deyib.

"Mən qadınlar üçün tam bərabərliyi təmin edəcək şəkildə bu məqsədə nail olmaq üçün modelləri müzakirə etməyə çox enerji sərf etdim", deyə nazir bildirib.

Poulsen qeyd edib ki, hazırda Danimarkanın müdafiəsini gücləndirmək çox vacibdir. İndi Danimarka ordusunda qadınlar üçün xidmət könüllüdür.

Kişilərin və qadınların Danimarka ordusuna cəlb edilməsi üçün bərabər şərtlərin müzakirəsi hökumətin hərbi kadrların artırılması sisteminin genişmiqyaslı yenidən qurulması planlarını elan etməsindən sonra baş verir. Eyni zamanda, nazirin qərarın seçkilərə qədər təxirə salınması təklifi onunla izah olunur ki, bir sıra müxalifət qüvvələri - sağ mərkəzçi Liberal Alyans və sağçı Danimarka Demokratları belə bir islahata qarşı çıxıblar.

Qeyd edək ki, bundan əvvəl KİV-də Danimarka Silahlı Qüvvələrinin Ukraynaya yardıma görə tükənməsi barədə məlumat yayılmışdı. Agence France-Presse xəbər verir ki, ölkə artan xərclər, əməliyyat səhvləri və kütləvi ixtisarlardan sonra qoşunlarını modernləşdirməyə ehtiyac duyur.

Samir